Important To Know This.
Muhammad Ibrahim Said :
Agar Aaj Hum Dekhen Tau Saari Ummat Firqo Me Bat Chuki Hai...Aur Jab Hum Logon Se Kehty Hein Ke "Yaar Aik Ummat Ban Kar Kiun Nahi Rehty Ho?".
Tau Jawab Milta Hai Ke "RasoolAllah S.A.W Ne Yeh Prediction Kar Di Hui Hai Ke Meri Ummat Ke 73 Firqay Bany Gein...Tau Aap Firqy Ban Ne Do Aap Kiun Rok Rahy Ho Yeh Tau Hona Hi Hai Kiun Ke RasoolAllah S.A.W Ne Prediction Ki Hui Hai".
Yeh Unn Logon Ka Argument Hota Hai.
Abb Iss Argument Ka Jawab Dene Se Pehly Mein Woh 73 Firqo Wali Hadees Apko Bta Deta Hoon Phir Unn Ke Argument Ka Jawab Deta Hoon.
RasoolAllah S.A.W Ne Farmaya :
Yahood 71 ( Û·Û± ) Firqoun Mein Butt Gay Jin Mein Se Aik Jannat Mein Jaye Ga Aur 70 ( Û·Û° ) Jahannum Mein, Nasara (Christians) Ke 72 Firqay Hue Jin Mein Se 71 ( Û·Û± ) Jahannum Mein Aur Aik Jannat Mein Jaye Ga, Qasam Hai Uss Zaat Ki Jis Ke Haath Mein Mohammad Ki Jaan Hai! Meri Ummat 73 ( Û·Û³ ) Firqoun Mein Butt Jaye Gi Jin Mein Se Aik Firqa Jannat Mein Jaye Ga, Aur 72 ( Û·Û² ) Firqay Jahannum Mein Jayen Gy, Arz Kiya Gaya : Allah Ke Rasool! Woh Kon Hon Ge? Aap S.A.W Ne Farmaya : Aljama'ah .
[ABBU DAWOOD : 4597 , IBNE MAJAH : 3992]
Argument Of Peoples.
Actually, Woh Log Yeh Samjhty Hein Ke Woh RasoolAllah S.A.W Ka Hukum Poora Kar Rahy Hein.Ke RasoolAllah Ne Prediction Ki Thi Ke Firqay Banay Gy Tau Abb Woh Log Bana Rahy Hein.
Tau Chalein Unhen Kuch Aur Predictions Be Btaty Hein Jo RasoolAllah S.A.W Ne Ki Thi Woh Log Yeh Predictions Be Poori Kar Dein...
RasoolAllah S.A.W Ne Farmaya :
Qayamat Ke Kareeb Auratein Aesa Libaas Pehny Gi Goya Ke Nangi Ho.
[Sahih Muslim : 7194]
RasoolAllah S.A.W Ne Firqo Wali Be Prediction Ki Thi Jo Ke Log Poori Kar Rahy Hein...Tau Aik Prediction Yeh Wali Be Poori Kar Dein...Ke Jo Auratein Pardah Karti Hein Unn Ka Pardah Utarwah Dein Aur Kahen Ke Tum Kiun Pardah Karti Ho Qayamat Aany Wali Hai RasoolAllah S.A.W Ne Farmaya Tha Ke Qayamat Ke Kareeb Auratein Pardah Nahi Karen Gi...Lehaza Tum Be Na Karo...
Phir RasoolAllah S.A.W Ne Farmaya Tha :
Qayamat Ke Kareeb Log Mosiki (Music) Ko Halal Bana Lein Gy.
[ Sahih Bukhari : 5590 ]
Tau Yeh Prediction Be Poori Kar Dein.
RasoolAllah S.A.W Ne Farmaya :
Qayamat Ke Kareeb Log Sharab Ko Halal Bana Lein Gy.
[Sahih Bukhari : 5590 ]
Tau Yeh Prediction Be Poori Kar Dein.
Kesy Logon Ki Aqal Par Pardah Par Chuka Hai.
O Logo Yeh RasoolAllah S.A.W Ne Hukum Nahi Diya Tha Balky Daraya Tha Ke Aesy Hona Hai Magar Tum Bach Jana!
Lekin Ummat Ne Iss Se Bachny Ki Bajaye Issy Hukum Samjh Kar Poora Karna Shuru Kar Diya🙄🙄🙄
Abb Aata Hoon Mein Quran Ki Taraf!
Allah Ne Farmaya :
( Aey Nabi! ) Yaqeen Jano Ke Jinn Logon Ney Apny Deen Mein Tafarqa Peda Kiya Hai , Aur Girohon Mein Butt Gaye Hein , Unn Say Tumhara Koi Talluq Nahi Hai . Unn Ka Moamla To Allah Kay Hawalay Hai . Phir Woh Unhen Jatlaye Ga Ke Woh Kiya Kuch Kerty Rahey Hein . [Surah Anaam Ayat 159]
Iss Ayat Me Tau Saaf Saaf Likha Howa Hai Ke Jin Logon Ne Firqy Banaye Aey Nabi Unn Se Tumhara Koi Taluq Nahi!
Iss Ka Aik Matlab Aesy Be Nikalta Hai Ke Woh RasoolAllah S.A.W Ka Ummati Hi Nahi
Abb Iss Se Barhi Kya Baat Hosakti Hai???
Tau Lehaza Mein Baat Issi Pr End Karta Hoon Ke Allah Aur Uss Ke Rasool Ka Yehi Hukum Hai Jo Ke Surah Ale Imran Me Aya Hai
Allah Ki Rassi (Quran) Ko Mazbooti Se Thamy Raho Aur Firqo Me Naa Bato!
[ Ale Imran : 103 ]
Umeed Karta Hoon Ke Mein Theek Hi Kaha Hai...Allah Qabool Farmaye.Ameen.
Writer: Muhammad Ibrahim (Head of Islamic research ) at Muslim's Spell
Artical From: Muslim's Spell
1 Comments